A Bra Ka D Bra

Genre : Comedy / Drama Bani, ek kaamyaab, kushal Basketball khiladi hai. UP ke ek chhote se sheher Hathras se, Bani ab sapnon ke sheher, Mumbai ka rukh karti hai. Bani samajhdaar aur sundar hai aur dost bhi aasaani se bana leti hai.Bani ka admission Mumbai ke ek bade college mein ho jaata hai aur jald hi wo apne college ke Basketball team ki Captain bhi ban jaati hai. Bani ko kisi bhi cheez ki kami nahin, agar kami hai, to sirf aatma samman ki jiska mukhya kaaran hai Bani ki chhati ka chhota size. Is baat ko lekar aksar Bani ka mazaak udaya jaata hai aur tarah tarah ke naamon se pukaara jaata hai, jiski vajah se usey hamesha heenta ka ehsaas hota hai. Wo apna atma vishwas kho deti, khel se bhi uska dhyan hatne lagta hai, wo apne doston se bhi ladne lagti hai, yahan tak ki wo apne naye handsome boy friend, Vidyut ka bhi dhyaan kho deti hai. Wo apni chhati ka size ko bada dikhane ki har koshish karti hai - wonder bra, massage cream, pads... aur aakhir mein surgery karwane ka faisla kar leti hai. Magar kya yehi uski samasya ka samadhan hai? Kya Bani apna khoya hua aatma vishwaas aur apni Captaincy dobara haasil kar payegi? Kya wo Vidyut ka dil jeet payegi? Dekhiye baahri sundarta aur andar ki sundarta se jhoojhti, ek jawan ladki ki jazbaati kahani - A BRA KA D BRA.